aku belbagai gaya

aku belbagai gaya

bila dengan saya...

saya seorang yang mudah tersentuh...tetapi saya akn cuba prbaiki dri sya... dats no problem

one more!

saya suka bidang psikologi..
klu da apa2x nak luah...silakn. sy akn cuba jd teman anda yg baik..:)

welcome to my blog... evrything we can share,,to be frenz

jika ada apa2x yang blom ok kt blog ni tlong bgtau erk...
bru buat hehehe....
jumpe next time.

Wednesday 24 August 2011

Di mana harus ku mencari???....


Kuhembuskan nafasku dalam hidup
Indah kesunyian dalam mimpi
Diam ku seribu bahasa
Diam menyimpan dalam perih
Sesumbar ku katakan aku bisa hidup sendiri
Tanpamu kawanku.....

Namun dalam hati aku teriak
Teriak tiada henti
Menangis dalam kepedihan
Kesuyian yang selalu menemani
Dan selalu menghampiri
Selalu dan selalu.....

Hingga aku merasa lelah
Untuk melepaskannya dan meninggalkannya
Bila kesunyian dan kehampaan ini pergi
Ku lepas dan ku tinggalkan

Bila??....
Adakah secercah harapan
Menyelimuti diri dan merasuk ke hati
Adakah...?
Dimana harus ku mencari?
Kawan pengganti seperti engkau.?.........

Ngagai bala Reba Iban. (Biau Melah pinang)


Sa! Dua! Tiga! Empat! Lima! Enam! Tu…..juh!
Oh ha! Oh ha! Oh ha!
Enda aku busung ngelangkah gunung,
Enda aku lesi ngelangkah hari,
Enda aku tulah ngelangkah tanah,
Enda aku danjan nengkadah bulan,
Enda aku tumbang nengkadah bintang,
Enda aku parai ngelangkah lemai,
Laban kaki aku bediri di besi baja rantung,
Lengan kanan aku udah ngenggam senteran sangkuh agung,
Jari aku megai selanjau ijau manuk sabung,
Belakang aku tap seludang baju anggung,
Pala aku udah ngena tempuga bulu burung.


Nyadi aku ti miau tu ukai mungkal ngapa, mungkal saja,
Ukai aku tu muntang, ukai aku tu nengkebang.
Laban bisi purih, bisi pantih,
Aku bisi utai ditali, bisi utai dititi,
Bisi orang dichuan, bisi orang diteladan,
Bisi orang ditunda, bisi orang ditelada,
Laban suba patah janga ubah, diganti janga kawi,
Charik labung batik, ganti labung Betawi,
Padam bulan, ganti matahari,
Pechah periuk tanah, ganti periuk petani,
Parai orang tuai, ganti tubuh kami.


Aku endang baka tubu besurung rebung,
Baka paku besurung gelung,
Baka wi betampung tali,
Baka rutan betampung danan,
Baka tenggang betampung belembang,
Baka ira betambung lemba,
Baka penduk betampung ijuk,
Nitih ka biau aku aku Bawang,
Nitih ka biau aki aku Melintang.
Sida ti mungkal menua kami di Sabu nunggang!


Nyadi aku ti megai selanjau ijau manuk banda,
Ba mua kita mayuh ti benung duduk bebala,
Ti rami beirup ka ai beram bisa,
Laban aku diasuh seduai ti deka jadi sekunsi saum semuka,
Seduai ti deka begulai ka peratai bunga kenanga,
Ngambi ka udah kena biau aku tu ila,
Seduai lalu terus peridi baka keladi tanam di uma,
Lalu betelesak baka anak tebu menua,
Lalu bala anak seduai ika tampak jelai berita!


Nyadi kita pengabang banyak, ukai orang sengapa utai,
Kita dipeda aku sigi sidi di jari tunjuk megai,
Iluk di tunjuk ujung chunggai,
Kita teleba milang perechit ringgit bungai,
Teleba nepan di luan kapal terebai,
Teleba saum makai semija enggau bala Menteri Besai,
Keba iku enggi kita manah rundu rundu,
Nipas perau bangkung panjai,
Sayap kita inggar biap-biap,
Munyi terachat gendang ngumbai,
Lalu kukuk kita inggar rauk-rauk,
Nyentuk ka retuk bulan mingkai,
Nyau tau ngenani ka orang tinduk di baji papan lekai,
Ukai semina naka nya aja,
Kita mega digelar aku ngagai jelu beruang rambai,
Tiap hari, tiap lemai, ngerumbak ragai tebelian ngerang.


Keba kita mayuh ti tengan duduk berintai,
Ti bepakai ka ai beram binjai,
Ti disebaka ka aku enggau anyu jelu gajai,
Bala kita digelar aku sebaka enggau
Selinggau ijau manuk tawai,
Dibai aku miau seduai tu ti jadi sekunsi idup begulai,
Ngambi ka udah dibiau aku ila,
Seduai tu ila betelesak baka anak tebu tembawai,
Lalu peridi baka keladi tanam di umai,
Lalu beberita anak seduai tu ila lalu jelai,
Tau nyadi YB bepangkat besai.


Aku ti megai selanjau ijau manuk jelayan,
Ba mua kita mayuh ti duduk betatam,
Ti duduk beirup ka macham ai beram,
Aku ka miau seduai ti deka jadi kunsi sama tilam,
Begulai ka peratai bungai tanam,
Awak ka udah kena biau aku ila,
Seduai ila peidi baka keladi tanam temian,
Lalu beranak betelesak baka anak tebu limban,
Lalu berita anak seduai tu ila,
Ngerumbung serata sekayu menua.


Aku ti megai selanjau ijau manuk tuntung,
Di mua kita ti mayuh duduk betembung,
Ti datai enggau ngabang mansang ngipung,
Beirup ka ai bisa beram tepung,
Aku miau seduai tu ti deka sekunsi jadi saum kibung,
Awak ka udah kena biau aku enggau selinggau manuk sabung,
Seduai tau peridi baka keladi tanam di langgung,
Lalu betelesak baka anak tebu betung,
Awak ka seduai iya raja ngibun dunya.


Laban lama aku udah bediri di tikai anyam dua,
Rakat aku pan nyau penat tampung pa,
Peluh nyau mampuh nurun dada,
Nya meh aku ka ngangau ka kita Manang Kemara,
Kita ti ngembuan puchung penyangga nyawa.
Ni kita Matai manang Menjaya?
Dik Seragindi pan aku ambi,
Laban dik Petara ti tau ngaga ka kitai ai,
Ti bepati mayuh nanga.
Dik Seregindah pan aku padah,
Laban dik Raja ti nemu ngaga ka kitai tanah,
Ti bisi ningkah, bisi rata.
Aku ngangau ka Biku Bunsu Petara Pantan Inan Jedia,
Ngangau ka dik Sempetuh ngambuh mulai,
Laban dik pandai ngambuh tubuh kami mensia.
Aku mega ngangau ka dik Sempeta,
Laban dik pandai nempa ari mula kami ada.
Aku ngangau ka dik Selempandai,
Laban dik pandai ngempuk tanah perai,
Nyadi kerigai anak mensia;
Pandai ngaga pah tampung pa;
Pandai ngaga idung antara mata;
Pandai ngaga dilah antara nyawa;
Pandai ngaga pending lansik ninga;
Pandai ngaga buk mayuh gaya;
Pandai ngaga untak lanchat bekira;
Nya alai seharitu aku minta kita datai semua,
Datai ngagai kami ditu di peretang rumah raya,
Awak ka kita meri ka kami pengaruh gembar tubuh,
Masu ka kami ubat penchelap serangkap genap,
Awak ka kami lindap nguan menua,
Awak ka kami gerai gayu selama iya,
Awak ka kami betuah belimpah,
Awak ka kami bulih reta, bulih tengkura,
Awak ka kami “Lantang!” ku Indai Abang,
Awak ka kami “Nadai apa!” ku Petara.